২২ পাৰিষদৰ আস্থা ভোটেৰে BTCৰ চীফ নিৰ্বাচিত প্ৰমোদ বড়োসকলো উৎকন্ঠাৰ অন্তত ২২ পাৰিষদৰ আস্থা ভোটেৰে BTCৰ চীফ নিৰ্বাচিত হ'ল প্ৰমোদ বড়ো
অৱশেষত সকলো উৎকন্ঠাৰ অন্ত পৰিল। বিটিচিৰ আস্থা ভোটত প্ৰমোদ বড়োৰ জয়। আস্থা ভোটত UPPL-BJP-GSPৰ সন্মিলিত শক্তিৰ মুঠ ২২জন পাৰিষদৰ ভোট লাভ কৰিলে প্ৰমোদ বড়োৱে। ২২ পাৰিষদৰ আস্থা ভোটেৰে BTCৰ চীফ নিৰ্বাচিত প্ৰমোদ বড়ো।
প্ৰটেম অধ্যক্ষই প্ৰতিজন সদস্যক শপত দিয়াৰ পিছত অনুষ্ঠিত হয় আস্থা ভোট পৰ্ব। কিন্তু বিপিএফ পাৰিষদ সকলে প্ৰথমৰে পৰা সদনত সৃষ্টি কৰে এক হুলস্থুলীয়া পৰিৱেশৰ। বিটিচিত আস্থা ভোটৰ পূৰ্বেই সদনত সৃষ্টি হোৱা উত্তপ্ত পৰিস্থিতিৰ ফলত ১০ মিনিটৰ বাবে স্থগিত ৰখা হয় সদন।
বিটিচিৰ চীফ প্ৰমোদ বড়ো, ডেপুটী চীফ গোবিন্দ বসুমতাৰীয়ে শপত গ্ৰহণৰ পাছত সকলো সদস্যৰ শপত গ্ৰহণেৰে বিটিচিত আৰম্ভ হৈছিল ভোটগ্ৰহণ।
উল্লেখ্য যে প্ৰমোদ বড়ো নেতৃত্বাধীন পৰিষদৰ বিৰুদ্ধে ন্যায়ালয়ৰ দ্বাৰস্থ হৈছিল BPF দল। ন্যায়ালয়ৰ নিৰ্দেশৰ পাছতেই আজি আস্থা ভোটৰ সন্মুখীন হয় প্ৰমোদ বড়ো।
Comments
Post a Comment