কাৰাগাৰৰপৰাই নিৰ্বাচন খেলিব কৃষক নেতা অখিল গগৈৰ
আগন্তুক অসম বিধানসভা নির্বাচনৰ প্রতি লক্ষ্য ৰাখি ‘ গণ মুক্তি সংগ্রাম , অসমক পূর্ণাংগ ৰূপ দিবলৈ সাজু হৈছে কৃষক মুক্তি সংগ্রাম সমিতি ।
২০১৫ চনতে কৃষক মুক্তিয়ে গঠন কৰা ৰাজনৈতিক দল গণ মুক্তি সংগ্রাম অসমৰ পৰা এইবাৰ কাৰাগাৰত থাকিয়ে কৃষক নেতা অখিল গগৈয়ে নির্বাচন খেলিব নেকি এই সন্দৰ্ভত বক্তব্য আগবঢ়াইছে কৃষক মুক্তিৰ নেতৃবর্গই । বৃহস্পতিবাৰে কৃষক মুক্তি সংগ্রাম সমিতিৰ সভাপতি ভাস্কো - ডি শইকীয়াই সাংবাদিকৰ আগত কয় যে - ২০১৫ চনতে কৃষক মুক্তিয়ে গঠন কৰা ৰাজনৈতিক দল ‘ গণ মুক্তি সংগ্রাম, অসম’ক বিভিন্ন কাৰণত পূর্ণাংগ ৰূপ দিব পৰা নাছিলাে । কিন্তু এতিয়া পূর্ণাংগ ৰূপ দিবলৈ চেষ্টা কৰিম । এই ৰাজনৈতিক দলটোক অতি সােনকালে পূর্ণাংগ ৰূপ দিয়া হ'ব । দলে সংসদীয় ৰাজনীতিত কি ভূমিকা লয় , সেয়া ৰাজনৈতিক প্রস্তাৱনাত থাকিব । আগন্তুক বিধানসভা নির্বাচনত ৰাজনৈতিক দলটোৱে প্রত্যক্ষ বা পৰােক্ষভাৱে যুঁজ দিব । কাৰাগাৰৰ পৰাই অখিল গগৈয়ে নির্বাচনত অৱতীৰ্ণ হ'ব নেকি সেই বিষয়ত এতিয়াই নিশ্চিত হােৱা নাই ।
Comments
Post a Comment