আৰক্ষীয়ে মুখত গচকি থকা ৰঞ্জিত সিঙৰ ফটো ভাইৰেল: ছচিয়েল মিডিয়াই আখ্যা দিলে ‘পাঞ্জাৱী জর্জ ফ্লাইড’
আছাম লাইফ ২৪ : ছচিয়েল মিডিয়াত যোৱা দুদিনৰ পৰা এখন ফটো খুব ভাইৰেল হৈছে আৰু ছচিয়েল মিডিয়াত বহু লোকে সেই ফটোক ‘পাঞ্জাৱী জর্জ ফ্লাইড’ আখ্যা দিছে।
কিয় আৰক্ষীয়ে ৰঞ্জিত সিঙৰ ওপৰত অমানৱীয় কৰিছিল?
২৯ জানুৱাৰীত সিংঘু বৰ্ডাৰত কৃষি আইনৰ বিৰুদ্ধে কৃষকে প্ৰতিবাদ অব্যাহত ৰখাৰ সময়তে সিংঘু বৰ্ডৰৰ স্থানীয় লোক বুলি দাবী কৰা তথাকথিত কিছু লোকে কৃষকৰ বিৰুদ্ধে প্ৰতিবাদ সাব্যস্ত কৰি কৃষকক ৰাজপথ খালি কৰিবলৈ দাবী উত্থাপন কৰিছিল। সংবাদ মাধ্যমত প্ৰকাশ পাইছিল যে স্থানীয় লোক বুলি দাবী কৰা সেই সকল বিজেপি আৰু হিন্দু সেনা নামৰ এটা সংগঠনৰ আছিল। তথাকথিত স্থানীয় লোকসকলে কৃষকলৈ শিলগুটি নিক্ষেপ কৰাৰ উপৰিও কৃষকৰ টেণ্ট ভাঙি দিয়াৰ ভিডিঅ ছচিয়েল মিডিয়াত ভাইৰেল হৈছিল। গুৰুত্বপূৰ্ণ কথাটো হ’ল যে কৃষকৰ টেণ্ট ভাঙি দিয়াৰ সময়ত আৰক্ষীয়ে নীৰৱ দৰ্শকৰ ভূমিকা পালন কৰিছিল।
সেই সময়তে ২২ বছৰীয়া ৰঞ্জিত সিঙ নামৰ আন্দোলনকাৰী জনে আৰক্ষীক তৰোৱালেৰে আক্ৰমণ কৰাৰ খবৰো সংবাদ মাধ্যমত প্ৰকাশ পাইছিল। ৰঞ্জিত সিঙে তৰোৱাল উলিওয়াৰ পিছতেই আৰক্ষীয়ে ৰঞ্জিত সিঙৰ ওপৰত অমানৱীয় ভাৱে অত্যাচাৰ কৰাৰ উপৰিও মুখত জোতাৰে গচকাৰ এই ফটো ছচিয়েল মিডিয়াত ভাইৰেল হৈছিল।
ৰঞ্জিত সিঙৰ এই ফটো ভাইৰেল হোৱাৰ পিছতেই ছচিয়েল মিডিয়াই আমেৰিকাৰ সংঘটিত হোৱা জৰ্জ ফ্লাইডৰ ঘটনাৰ লগত এই ঘটনাৰ তুলনা কৰিছে। আৰক্ষীয়ে গচকি ধৰি থকা ৰঞ্জিত সিঙৰ ফটো শ্বেয়াৰ কৰি ৰাহুল গান্ধীয়ে লিখে “মোদী চৰকাৰৰ ট্ৰেডমাৰ্ক- অমানৱীয় অত্যাচাৰ।”
Comments
Post a Comment